Cándido Iturriaga eta Maria Dañobeitia Fundazioak (IDF, euskarazko sigletan) 60 urte daramatza lehen sektorearen eta landa-eremuaren alde lanean, bai Euskadin, bai munduko beste eskualde batzuetan.
Berritasun gisa, Euskadiko lehen sektoreko ekintzaileak babestea erabaki du Fundazioak bere Ekintza Planean. Horrela, 2026rako, 3.000 euroko 5 beka eskainiko ditu Fundazioak. Zure eskabidea bidali nahi baduzu, urrats hauek jarraitu behar dituzu:
1) Bete beherago aurkituko duzun eskabide-inprimakia, zure ekintzailetza-proiektuaren bideragarritasun-plana erantsiz.
2) Zure ekintzailetza-proiektua azaltzeko bideo bat grabatu, gehienez 3 minutuko iraupenarekin. Ez dugu bideo profesionalik behar, zuek argazki-kamera edo telefono mugikor batekin egindako bideo xume bat baizik, martxan jarri duzuen edo jarriko duzuen ustiategia grafikoki erakutsiko duena. Bitarteko telematiko bat (WeTransfer edo antzekoa) erabil dezakezue bideoa bidaltzeko.
2026ko Uztailaren 26a baino lehen bidali behar dira fitxa, bideragarritasun-plana eta bideoa.
Behin eskabidea bidalita, hauxe izango da prozedura:
- Behin eskakizunak aztertuta, Fundazioa posta elektronikoaren bidez jarriko da harremanetan aukeratutako pertsonekin, eta dirulaguntzaren % 50 ordainduko du banku-transferentziaren bidez.
Hurrengo urteko martxoaren 30a baino lehen, hautatutako pertsonak dokumentu labur bat helaraziko dio Fundazioari (idf@idf-fundazioa.eus), honako hauek azalduz:
Jasotzen dituen proiektu guztietatik, Fundazioak hauek lehenetsiko ditu: bideragarritasun ekonomikoaren zantzuak erakutsi eta proiektua kudeatzeko prestatutako sustatzaile bat dutenak. Horrez gain, hiru lurralde historikoetako proposamenak aintzat hartzen eta gizonek zein emakumeek aurkeztutako eskabideak modu orekatuan onartzen saiatuko da Fundazioa.
Lehen sektorea funtsezkoa da gizartearentzat, eta, horregatik, pozgarria da IDF fundazioarentzat zuek sektore honetan sartzea. Etorkizunean zorte handia izan dezazuela opa dizuegu guztioi.
